2016年5月31日 星期二

向陽/南方孤鳥 - 寫予屈原 (台語詩)


林淇瀁新增了 5 張相片
刊在今日自由時報副刊的詩〈南方孤鳥──寫予屈原〉及手稿
今天的自由副刊刊出了我的台語詩〈南方孤鳥──寫予屈原〉,我13歲時迷上《離騷》,背誦並抄寫(但不能體會詩中文句和內蘊),也因此做出了影響此生的「狂妄」決定──我的這一生就是要當詩人。
這是一條不歸路,走了將近半個世紀(再過兩年就滿了),卻從未想過要寫詩給屈原。直到年初, 趨勢教育基金會策劃「趨勢經典文學劇場」《屈原,遠遊中》,董事長 陳怡蓁希望我寫一首台語詩給屈原,並客串上台朗讀,當時沒想太多,就爽快答應了。
沒想到真要落筆時,卻猶豫再三、躊躇再三。這詩可真難寫啊,我得克服如何將屈原生命職志用白話(且要用台語)寫出來的問題,還得讓聽者不看文字,光憑聽覺就感動。於是拖啊拖的,拖到劇場都要演出的前幾天方才完稿,寫出了我獻給屈原的第一首詩。無詩作久矣,得此詩,得感謝陳怡蓁的催生。
因此,這首詩是以兩種形式發表的,最先是以朗讀形式,在5月7日台北中山堂、21日在高雄社教館,由我親自用台語朗讀;然後是今天,在自由時報副刊以印刷文本發表。


向陽/南方孤鳥 - 寫予屈原

2016-05-31
◎向陽
汝企佇兩千三百年前的江邊
江中水湧攪吵汝不平的心
一路行來,上高山過溪埔
離開所愛的故鄉佮國都
一路行去,是茫霧的前途
宛然孤鳥,有樹無岫
汝的悲哀仝款無地安搭
攑頭看,蒼天渺茫
越頭望,烏雲重疊
憂加愁,是汝的姓汝的名
孤加單,是汝的運汝的命
汝是一隻孤鳥,喝咻到梢聲
汝行過兩千三百年前的江邊
面色青恂恂,目神綴風咧吹
天風冷冷冷,共汝寒到呿呿嗽
江水濁濁濁,魚仔蝦仔看攏無
汝毋願綴時行,參人彈仝調
汝無愛講白賊,啉酒練痟話
燕仔佇廟堂踅過來踅過去
鴟鴞的翅展開就是規片天
掠魚人問汝哪會落魄到這款地步
無言。滄浪之水若清,會當洗我的衫
無語。滄浪之水若濁,會當洗我的跤
汝是南方的孤鳥,有厝煞無路
南方的孤鳥,汝剖腹愛國家
佇戰國年代,秦國併吞的詭計進前
有話敢講,講楚國獨立的必要
忠直進言,言百姓生活的苦楚
汝是咬住木蘭花蕊的露水
早時講煞,暗時官位就被挽去
汝是無情風雨掃落塗跤的菊花
清氣身軀,予人踲踏到烏趖趖
汝是南方上蓋寂寞的孤鳥
夜深的時,汝的怨歎敢有人聽見
是愛佮鴟鴞佇天頂比翅雙飛
抑是欲佮雞仔佇籠仔內爭食
南方的孤鳥,汝終其尾飛入文學史
飛誠懸,汝的離騷是詩國上媠的花蕊
飛真遠,兩千外冬後我猶咧讀汝的詩
汝用楚國的話寫參中原無相仝的詩篇
寫巫靈、寫天國、寫幽都,寫出一部楚辭
汝坐踮飛龍駛的象牙車
提彩虹做七色旗,一路奏九歌
飛向西天,飛去彭咸住的居所
天風冷吱吱,國無人莫我知兮
江水白鑠鑠,又何懷乎故都
兩千三百冬後的暗暝
我佇離汝誠遠的台灣重讀汝的詩


沒有留言: